У нядзелю 9 сакавіка запрашаем усіх на службу з нагоды Запускаў на Вялікі пост.

Пасьля службы, з Божае міласьці, будзем гуляць шчодрую Масьленіцу.

Прыходзьце, калі ласка!

І не забудзцеся напячы бліноў

8 сакавіка спаўняецца 40 дзён, як адышоў у лепшы сьвет вялікі пісьменьнік, грамадзкі дзeяч, заснавальнік ЗБК, наш сябар – Кастусь Акула.

У гэты дзень, а 11:00 ў царкве сьв. Кірылы Тураўскага (524 St.Clarens Аve.) адбудзецца Паніхіда за ўпакой душы Кастуся Акулы.

Пасьля Паніхіды запрашаем на памінальны стол.

4 лютага 2008г. у царкве Сьв. Кірылы Тураўскага г.Таронта (Канада) адбыўся абрад адпяваньня супачылага Кастуся Акулы (Аляксандра Качана), пісьменьніка й грамадзкага дзеяча беларускае эміграцыі, аднаго з заснавальнікаў гэтае Парафіі БАПЦ.

Багаслужбу супольна адправілі па-беларуску, па-царкоўнаславянску, па-украінску й па-ангельску сьвятары :
а.Вячаслаў (Беларуская Аўтакефальная Праваслаўная Царква),
а.Яўген (Амерыканская Аўтакефальная Праваслаўная Царква),
а.Юры (Украінская Праваслаўная Царква Канстантынопальскага Патрыярхату).

Паховіны адбыліся на могліцах ‘Pine Hills Cemetery’ г.Таронта.
Памінальная трапеза адбылася пасьля паховінаў у парафіяльнай зале за адрасам :
524 Saint Clarens Avenue, Toronto.

Read the rest of this entry »

Беларуская Аўтакефальная Праваслаўная Царква

BELARUSAN AUTOCEPHALOUS ORTHODOX CHURCH

PARISH OF ST. KIRYLA OF TURAU

Паведамленне

Парафіяльная Рада Царквы Сьвятога Кірылы Тураўскага паведамляе , што 24 лютага 2008 г.

пасля Багаслужбы у залі БАПЦ, 524 St. Clarens Ave., Toronto, адбудзецца чарговы Агульны Сход Парафіянаў

Прапануецца наступны парадак дня:

1. Адкрыцьцё сходу і Малітва.

2. Справаздача Парафіяльнай Рады і Кантрольнай Камісіі

3. Абмеркаванне справаздачы

4. Абмеркаваньне бягучых спраў парафіі і плян працы на наступны год

5. Закрыццё і Малітва.

Да ведама ўсіх парафіянаў

Згодна статуту БАПЦ:

А.94: (Частка) Права голасу і ўдзелу упарафіяльным сходзе маюць парафіяне, якія заплацілі парафіяльныя скадкі і незалягаюць больш як год да Сходу, адказваюць вымогам адзначаным ў артыкулах 30,33 і 109 гэтага Статуту. Просьба да ўсіхпарафіянаў урэгуляваць парафіяльныя складкі перад Сходам.

Тыя парафіяне, што ня змогуць удзельнічаць у Сходзе, маюць даць упаўнаважанне іньшаму парафіяніну, які будзе на сходзе, але не болей як два упаўнаважання на адну асобу (Статут БАПЦ А.95)

Рада Парафіі

Парафіяльная Рада і сьвятар Беларускае Праваслаўнае Царквы Сьв. Кірылы Тураўскага ў Таронта віншуюць Паважанае Спадарства са сьвятам Нараджэньня Хрыстовага – КАЛЯДАМІ і жадаюць усім смачнай куцьці, вясёлых сьвятаў і шчасьця ў Новым 2008-м Годзе!
І запрашаем на сьвяточныя Багаслужбы :
Студзень - 2008
6 нд., 10:00 раніцы – Сьвв. Айцоў Літургія
5:00 вечара Сьвяты Вечар Вячорня
6:00 вечара – КУЦЬЦЯ
7 пн., 10:00 раніцы – КАЛЯДЫ Літургія
13 нд., 10:00 раніцы – Сьвв. Богаайцоў Літургія
19 сб., 10:00 раніцы – ВАДОХРЫШЧА Літургія і Вял. асьвячэньне вады
20 нд., 10:00 раніцы – Сабор Яна Хрысьц. Літургія

Абыход сьвятаром са сьвянцонай вадой памешканьняў парафіянаў
будзе адбывацца з 19 да 27 студзеня - па запросінам.

Тэлефоны для даведак:
416-530-1025 Царква
416-827-8114 айцец Вячаслаў
416-319-8199 Міхась

Дарагія сябры,
17 чэрвеня, у наступную нядзелю, адбудзецца Паніхіда па св. памяці Ўладыку Мікалаю. Мінула 5 гадоў, як яго няма з намі. Ушануйма разам ягоную сьветлую Памяць.
Пачатак службы а 10:00, у Царкве св. Кірылы Тураўскага, што ў Таронта.

Рада Парафіі.